http://www.xanga.com/snowbaby44

The New One~

知足...

最近變左消防雪人..星期日放假...星期2又放..番一日放一日...

覺得自己放有薪假期好威水咁...到星期四..老闆又唔o係到...同放假差不多..

講真...我幾鐘意呢分工...可惜要番學...真係唔係好想讀書...唉..

好珍惜day off的日子...因為可以拖隻骨頭仔去散步...^^~

6月19日..Dragon Boat Festival

好熱好熱....同骨頭貪得意..去左咩都未開既mega box..

靚唔靚仲未知...因為咩都睇唔到...但係我覺得架巴士好白痴..淨係兜個圈..

又唔可以話佢多餘...仲要d職員係著住紅色西裝..我上車果下..真係覺得自己好娘..

好似番左羅湖咁...最後我都係買唔到chip & dale既野...失望!!

不過今日好高興..因為我隻腳俾條賤女人踩到噴血..骨頭仔拖我去一邊..

見住佢跪o係到幫我止血...lum左一lum...幾時對我咁好架?

同骨頭去左扭蛋..見到d骨頭索袋..忍唔住帶佢地番屋企...

扭左兩個..一個送左俾骨頭...傻佬記得要用播!!

..呢日同骨頭來個短聚..就番左屋企過節...好開心..

又有family day..又可以拍拖...心境開朗^^~

食完飯打麻雀...打完同bb玩...之後訓覺...呢日真係覺得自己既人生好美滿...

今日...番工..同個老闆吹水..講開啪丸去蒲..佢問我有冇...都傻傻地...

我邊到似係呀...我真係想答佢"I am a good teacher!"

吹完水..佢又早走...我又上網..去勞工處個網睇下有咩工..

so far未有因為呢分工而走失左其他工...好彩!!

走左出去蛇王...去左慧安買餃子食...食到想嘔..

今晚遇到幾個家長都係膠膠地...不過我都係當佢唱歌..

今日..明明教左震機..心血來潮去睇下有冇人打黎...

見到bb岩岩sms俾我話佢番左屋企..正當諗緊..無人接放工...

一放低電話..就見到有隻骨頭仔企o係門口到fing..係咁笑..

好surprise呀..我即刻行左出去..見到骨頭手持我心愛的strawberry melty kiss...

親吻完骨頭就放佢番屋企...望住佢疲勞既背影...真係覺得佢好瘦呀..

呢d事..唔係第一次發生...老土d...或者就係緣份掛..我諗起佢果陣..佢總會出現..

我知你番完工累..但仍不忙送來一些驚喜...感謝^^~

有一晚同骨頭玩紅綠燈骨頭..拍下照片..

                  紅燈                                                綠燈

好可愛呀^^~

我是雪人..

你是骨頭...

這是我們的混合體^^~

好像一副懂得叫爸爸媽媽的樣子...

除了工作 還是工作...

番工番到好鬼悶...同埋霸左我好多時間呀..妖!!

無晒溏心睇..個人放左工都無咩意慾趕番屋企..

星期日..難得一日放假..同左骨先生去尖咀..

發覺...原來我呢個月以黎..每星期都出左一次尖咀...但都唔識路囉..哈哈!!

出街...食野...嗌交...火滾....

無錯...又係嗌交...點解我咁好火氣架呢?!

行行行...發覺我宜家碌卡當飯食咁...呢d就真係等渣兜...

為左quit hall而番去搬野...去到大埔墟見到275s岩岩開..嘩!!死都追啦..唔係又等4個字..

可能係骨頭仔太累..佢竟然收起對摩打腳...無搏命追...

我見到咁既情況..就我負責追喇...非常好...俾我追到司機停o係到...

望番後面..骨頭仔用左一個好仰慕既眼神望住我再慢慢行過黎...

上到車..佢又拎野我飲..又keep住呢個眼神...

因為..佢終於見識到我既步速喇....原來我同佢一齊兩年幾..佢都未真正領教過...

話左對腳係堅野黎架啦^^~

岩岩過左既weekend..亦都係朋友仔同我補祝生日...多謝晒..

過左生日都兩個月...宜家先黎搞..仲要o係人地生日前搞...

我真係有d尷尬呀...不過大家有心喇...多謝多謝...

番工時間好似好長咁...不過夠free..i like it!!

好想玩...可唔可以俾多d時間我去玩呀....

偶遇...

今日唔知做咩事...係咁撞到7a既朋友仔~撞到chester..debby..輝春~

debby最興奮..望望下..佢衝埋黎...原來我咁charm...^^~

佢話唔認得我...但係認得我d低能動作...我唔知咩叫低能動作囉...全部都咁有意思~

原來見番咁多人...係咁開心...真係有一年無見喇....

不過上星期先撞到阿joe...又係咁既低能樣...見到佢我覺得好不幸呀!!

果日先同佢講完電話...轉頭就o係街見到佢..諗起佢d野..真係唔想同佢做朋友~

同佢打招呼已經俾面佢..聽唔聽到呀..梁joe?

仲有一日...我發夢..o係故宮門口見到愷揚..kristy同germany...

之後一齊去廁所...germany同我講佢間屋流血...

真係百思不得其解...你間屋其實即係.......!#$%^&*()!@#$%^&*()

之後佢仲話...間屋流血即係無中招...咁我諗你間屋企...

應該係個個女人都有架喇...你快d幫間屋痴膠布啦..唔係佢又流血架喇!!

o係故宮門口著住仁濟套校服...真係柒到無人有呀!!

今日星期四..老闆無番工...行左出去行街..行左半粒鐘番黎同阿平玩...

係咁講粗口好好笑...佢偷走...6點幾收工..聽日開始見佢唔到...好唔捨得...

留低左contact....希望有緣再聚!!

8點幾o係到同歌人講電話..之後佢黎左探我..我仲幫佢影印同fax..多謝我啦~

傾到9點收工...人地鎖門果陣..無啦啦有條友黎交學費..都痴膠花~阻住晒...

番黎睇溏心...好緊張呀...聽日就完喇...好空虛囉..無得睇...

懷念心癮的時候...那種寄託..幻想...

這陣子..沒有了吧....找不到...

關係..總令人有掙扎的時候....

或者一直所尋求的是一種共識吧...可惜...

明知是會令人窒息...仍然堅持..是自殘嗎?

不可怨...不可悔...

I try hard to adapt myself to the new environment.

開始習慣了...

今日番1點..每次番到去..個老闆都唔o係到..佢成3點先番..

真係搞到我好有蛇王既意慾呀!!

今日仲同阿平係咁吹水....真係好多謝阿平...教左我好多野~

我仲話左佢知...其實我係大學生...我係黎呃飯食架...

之後佢又話左我知...原來佢唔係屋企有d事..而係佢唔想做先辭職~

佢做3個月又走...我做3個月又走...個老闆真係慘!!

唉..多兩日佢就走...悶死我喇...

今日去銀行入數...又要去2期攞野...我就帶左佢去馬拉松探鵬鵬..

佢第一個反應就係話"好瘦呀!!"..當然..如果唔係點會叫骨頭仔!!!

我地突登兜圈番鋪頭...番到去又吹水同又悶過...

坐o係到食野..sms...吹水...完全感受到自己呃飯食!!

成日唔知做過d咩...

放工...一出門口..見到有隻骨頭仔坐左o係到...十分可愛!!

還有melty kiss..是多啤梨味...very good!!

呢個暑假同上個暑假一樣...有你黎接放工...不過唔係千色姐..

你記住要黎多d喇...哈哈!!

趕番屋企睇溏心...好緊張呀...不過今日無咩菊姐戲份..

發覺自己最近生活好健康...12點幾訓...第2日11點幾起身...

6點幾食飯..又飲好多水....

好想keep住有個healthy lifestyle

呢排心情幾好同埋團火都幾盛...一切還好~

keep 住呀^^~

我會不時同自己講..我要努力...我可以架...